忠实还原每个细节Westone W80

耳机发烧友最近一定留意到Westone出咗对旗舰级新耳机W80，如同型号数字提示，小巧机身内里置入咗4个高音、2个中音同2个低音单元，合共8个，据称耗费3年时间研发，叫价接近万二蚊。是咪货真价实咁强劲？讲多无谓，笔者有幸借到实机嚟试听，大家可以参考吓。

Westone其实好耐冇出过高阶旗舰耳机啦，8单元一般畀人嘅印象多数係好大粒，不过如同开版model示範图，W80机身做得非常小巧。笔者目测佢size比起市面上唔少三、四单元更细，大约一半左右，即使係耳窿细嘅女士，以及成日呻自己耳道奇特嘅笔者三两吓手势亦能够戴好。机身设有可更换面板，有金、银、红、蓝四种色可以任意转换。

除咗喺机身设计上花心思，条线亦非常值得一提，皆因佢系出名门ALO Audio，为固有款式Reference 8嘅W80专属升级版，由8绞单晶铜（OCC）混合镀银无氧铜（OFC）编製而成，号称能提高乐器分离度、分析力及呈现细緻音色 。另外佢应用咗声学对称技术，双耳接收差别仅+/- 2dB。如果唔怕死想拎出街粗插iPhone用，佢跟机仲有条MFi线控线。

笔者喺新开封未run-in嘅状态下全数以24bit FLAC档试听，表现确实甚有水準。和乐器乐团《华振舞》中，尺八泛音悠长，三味线拨弦听感清脆明快。全套鼓声定位清晰而音色扎实、弹性十足，每种乐器分离度同动态高之余，呈现嘅音场阔广，并无过份突出任何一个频段。人声方面，以Kalafina《Alleluia》为例，各层人声凝聚不鬆散，而且细节极高，能够轻易辨识到齿音、喷气声等，但亦无刺耳或者生硬嘅感觉，反而舒适自然，颇为耐听。

◆ Westone W80
◆ 上手对吓比例，机身真係好细，入耳位微弯
◆ ALO Audio Reference 8线材为MMCX头，可以随便更换
◆ 分线位可以上下调节
◆ 3.5mm L型插头
◆ 包装盒，都几大个吓
◆ 咁大个係因为送齐大、细收纳盒各一个
◆ 跟机有5对耳棉、5对耳胶、清洁工具
◆ 仲有呢条MFi三键线控，够胆过万银照拎出街搭iPhone用可以试试

总结：

用得8单元分析力好难差得去边，笔者认为W80胜在身型细、音色均衡。4粒高音单元冇令佢走火入魔，变成偏重中高音、毫无「人味」冷冰冰嘅纯鉴听走向，反而高频延伸性佳、中频细緻醇厚、低频扎实收放自如，可谓三频量、质兼备。无论係拎嚟杂食听歌，定係直头做专业鉴听用途，W80相信都可以满足到你，笔者坚係满足到唔捨得除。加上而家做紧优惠，11月6号前买免费送对价值2千几嘅Skeleton S10 CM（包数码耳模费用），唔知好彩定唔好彩刚刚出粮，手头鬆动就是时候升级了。

Westone W80基本规格：

单元：低音 x 2 + 中音 x 2 + 高音 x 4

频率响应：5Hz-22kHz

灵敏度：111dB [email protected]

阻抗：[email protected]

隔音：35dB

线材：ALO Audio Reference 8、MFi Cable（三键线控）

线长：1.28米

查询: Thinking Group (电话: 2955 1000)

定价: $11,999